Este programa formativo prepara aos e as asistentes cos coñecementos e habilidades necesarias para poder instalar, configurar e administrar MySQL Server de maneira profesional, configurar replicación e seguridade, realizar backups de bases de datos e tunning de rendemento e configurar parámetros de seguridade en bases de datos MySQL. 
 
Ao longo da formación os e as asistentes recibirán os coñecementos necesarios para instalar unha base de datos MySQL, crear e executar estratexias de copia de seguridade, particionar a base de datos, xestionar os seus usuarios, crear procedementos almacenados,  triggers, vistas, establecer limitacións en recursos, controis de acceso, etc. 

As probas de  seleccion realizaranse mediante plataforma online, sen necesidade de desprazamento presecial ao CNTG. A  poderá realizar o/a candidato/a inscrito/a ao curso desde o seu domicilio ou lugar de traballo, tendo en conta que a plataforma online abrirase automaticamente na data e hora indicada para iso.

O/A candidato/a inscrito/a recibira un mail desde a entidade adxudicatoria co acceso a esta proba 2 dias antes da mesma.

A plataforma online de probas de selección é compatible coas versións estables máis recentes de todos os navegadores web e sistemas operativos máis populares (Windows, MacOS, Android ou calquera distribución Linux).

Polo tanto, para acceder á plataforma simplemente necesitarase un equipo de sobremesa, portátil con acceso a unha conexión estable a Internet.

Recomendable ter coñecemento/nivel medio de comprensión lectora en inglés debido a que a proba de nivel pode incluír preguntas en inglés e o exame oficial de certificación ao que se opta  en este curso xeralmente realízase en inglés.